Al-Anon leiðin er grundvölluð af þremur stoðum, reynslusporunum, erfðavenjunum og þjónustuhugtökunum. Það eru þessar þrjár stoðir sem tákna þríhyrninginn í merki samtakanna.
Reynslusporin og erfðavenjurnar eru ætíð á vörum okkar á fundum í deildunum en þjónustuhugtökin fá oft á tíðum minni athygli. Það er hins vegar staðreynd að þjónusta í nefndum Al-Anon getur veitt okkur aukinn bata, bata sem við öðlumst síður á fundunum okkar og í trúnaðarsambandinu.
Það vantar alltaf mannskap til starfa í nefndum Al-Anon og viljum við hvetja alla sem hafa áhuga á að kynna sér starfsemi þeirra að hafa samband við skrifstofu.
Með kærri kveðju frá aðalþjónustunefnd Al-Anon.