2. febrúar 2010 22:17

16. ágúst

Hope for today

6. erfðavenjan varar okkur við því að leiða hugann frá uppaflegum andlegum tilgangi okkar, hana er hægt að taka saman í þrjú einföld orð - einbeitingu, einbeitingu, einbeitingu.
Hvernig á þetta við um mig í Al-Anon ?
Ég kýs að sættast á það að eini tilgangur Al-Anon er að hjálpa fjölskyldum og vinum alkahólista. Hvernig fer ég að því ? Með einbeitingu.
Ef ég tek hliðarspor í átt að öðru verkefni, öðrum málstað, öðrum hóp eða annarri hugmyndafræði - sama hversu verðugt það er - þá deili ég niður orkunni minni og er ekki jafn líkleg til að ná markmiði mínu.

Er í lagi að lesa annað lesefni til að mæta tilfinningalegum og andlegum þörfum mínum ? - Að sjálfsögðu, en ég kalla það ekki Al-Anon.
Má ég fara á opna AA fundi til að leitast við að skilja betur alkahólistana í mínu lífi ? - Algjörlega, en ég kalla það ekki Al-Anon.
Má ég leita til ráðgjafa og sálfræðinga ? - Vissulega, ég get gert hvað sem ég vil sem einstaklingur, en ég kalla það ekki Al-Anon og ég kem ekki með það á fundina mína.
Ég kem í Al-Anon til að læra Al-Anon. Það eru jafn margar frábærar aukaleiðir til bata og meðlimirnir eru margir, en ef ég leyfi þeim að trufla mig, gref ég bæði undan mínu prógrammi og getu minni til að hjálpa öðrum.

Til umhugsunar í dag.
Ef ég missi einbeitinguna mína, gæti mér mistekist að ná upphaflegum andlegum tilgangi mínum.


"...ef Al-Anon ætti að blanda sér í alla verðuga málstaði, hvar gætum við þá dregið línuna sem héldi okkar félagsskap ósködduðum til að vinna sína vinnu?"

The Al-Anon Family Groups – Classic Edition, bls 174
 
 Birt með góðfúslegu leyfi Al-Anon Inc. 
© Al-Anon Family Group Headquarters. All Rights Reserved.

Öll réttindi áskilin.Þessa vefsíðu má ekki afrita með neinum hætti, vista inn í kerfi þar sem unnt er að sækja hann eða senda áfram, á nokkru formi eða með nokkurri aðferð (rafrænni, vélrænni, með ljósritun, upptöku eða á annan hátt), án þess að geta heimilda www.al-anon.is.
Al-Anon samtökin á Íslandi©