Fyrir deildina

 

Hægra megin á þessari síðu geta deildir hlaðið niður gagnlegu efni fyrir deildina og fundi hennar. Hér verður ávallt hægt að nálgast nýjustu samþykktu tillögu að inngangs- og lokaorðum funda. Athugið að um er að ræða ZIP skrár sem innihalda bæði texta skrá og PDF skrá. Einnig er nýkomið á íslensku Leiðarljós fyrir nýliðafundi (G-2), þýtt og staðfært í heild sinni.

 

Skráningarblað til að stofna deild hefur verið endurgert og er hér í PDF formi sem hægt er að fylla út í tölvu.

 

 

Hvað er Al-Anon deild?

 

Deildin er grunnneining Al-Anon samtakanna. Deildin er rekin sem sjálfstæð eining innan Al-Anon samtakanna. Deildin á að vera sjálfbær og skal leggja fé til samtakanna eftir getu. Það er engin stjórnandi eða stjórn yfir deildinni nema æðri máttur. Deildin tekur ákvarðanir um mál sem koma upp innan deildarinnar með því að efna til svokallaðs samviskufundar.

 

Til að stofna Al-Anon deild þarf að fylla út Skráningarblað deilda og senda á skrifstofu.

 

Samviskufundir

Samviskufundi má halda eins oft eða sjaldan og ástæða þykir til en flestar deildir halda þá einu sinni í mánuði. Samviskufundur, sem á ensku kallast "Business Meeting," er oftast haldinn í kjölfarið á almennum fundi deildarinnar. Á samviskufundi ræður sameiginleg viska deildarinnar sem þýðir að samviskufundurinn er vettvangur allrar ákvarðanatöku í málefnum deildarinnar. Í stuttu máli: allir almennir fundarfélagar eru gjaldgengir á samviskufund því það eru félagarnir sem stýra deildinni.

 

Um fundarformið

Deildin ákveður sjálf hvernig hún vill haga sínum fundum. Fyrir utan Inngangsorðin og Lokaorðin er fyrirkomulag fundarins frjálst. Eingöngu þarf að gæta þess að Erfðavenjum sé fylgt í hvívetna. Guidelines: Taking a Group Inventory (G-8a) er gott verkfæri til að hjálpa deildum að viðhalda starfi sínu í samræmi við Erfðavenjurnar. Leiðarljósið má finna á vefsíðunni

http://www.al-anon.alateen.org/al-anon-literature